Turkiyada harbiy to‘ntarish ishtirokchilari jigarrang libosda yurishi belgilandi

Turkiya prezidenti Rajab Toyyib Erdo‘g‘on 2016-yil iyulidagi putch ishtirokchilarini sudga olib borish paytida ular jigarrang forma kiyishlarini belgiladi. Bu haqda “Interfaks” xabar bermoqda.

O‘tgan oyda putch bo‘yicha ayblanuvchilardan biri sudga “Qahramon” deb yozilgan futbolkada kelgan edi. Shundan so‘ng politsiya shu yozuv tushirilgan futbolka kiygan 30 kishini ushladi.

“Sudga ortiq hech kim xohlaganday kiyinib kela olmaydi”, — dedi Erdo‘g‘on.

“Daryo”ning YouTube’dagi rasmiy sahifasiga obuna bo‘ling