Puflama batutda uxlab qolgan ukrainalik erkak Qrim sohiliga kelib qoldi

5-avgust kuni Qrim chegara xizmati Karkinit ko‘rfazida 18 yoshli ukrainalik yigit o‘tirgan puflama batutni ushlab qoldi. Bu haqda Meduza xabar bermoqda.

Chegarachilarning aniqlashicha, 2-avgust kuni Xerson viloyatida istiqomat qiluvchi Mixail ismli yigit bolalarning puflama batutida tunash maqsadida uni shishirgan va Lazurnoye ko‘li bo‘yida dam olishga qaror qilgan. Ertalab Mixail ochiq dengizda ekanligini ko‘rgan.

U yerda yigit qariyb uch sutka bo‘lgan. Havo issiqligidan tashqari, yigit suv va ovqat yetishmovchiligidan aziyat chekkan.

Yigit Qrim g‘arbidagi Chernomorskoye qishlog‘idagi shifoxonaga yotqizildi. Unga issiqlik urishi tashxisi qo‘yildi.

“Daryo” yangiliklarini Facebook’da kuzatib boring