KXDRda Kim Chen Inga AQSh bazasiga zarba berish rejasini taqdim etishni va’da qilishdi

KXDR harbiylari Guam orolidagi Amerika harbiy bazalari joylashgan hududga raketali zarba berish rejasini avgust o‘rtalarida ishlab chiqish niyatini ma’lum qildi, deb yozadi “Gazeta.ru”.

Shundan so‘ng reja mamlakat yetakchisi Kim Chen Inga taqdim etiladi.

Avvalroq Koreya xalq armiyasi AQShning Tinch okeanidagi Guam orolida joylashgan harbiy obyektlariga, shu jumladan, B-52 strategik bombardimonchilari joylashgan Andersen aviabazasiga  preventiv raketa zarbasini berish rejasini ishlab chiqayotgani xabar berilgan edi.

Keyinroq Pentagon prezident Donald Tramp tegishli buyruq bergan taqdirda, Shimoliy Koreya raketa obyektlariga preventiv zarbalar berish rejasini tayyorlab qo‘ygani ma’lum qilindi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!