2013-yildan buyon qidiruvda yurgan buxorolik “odamfurush” ayol qo‘lga olindi

Buxoro viloyati IIB xodimlari tomonidan o‘tkazilgan “Qidiruv” tadbiri davomida, Buxoro shahrida yashovchi fuqaro Z. Berdiyevani Turkiya davlatiga noqonuniy ravishda olib borib, uning fuqarolik pasportini olib qo‘yib, fohishalik bilan shug‘ullanishiga majbur qilganligi uchun jinoiy javobgarlikka tortilgan va tergov idoralaridan yashirinib yurgan fuqaro qo‘lga olindi. Bu haqda Buxoro viloyat IIB matbuot xizmati xabar berdi.

1988-yilda Buxoroda tug‘ilgan Dilnoza Abdullayeva O‘zbekiston Respublikasi Jinoyat Kodeksining 135-moddasi 2-qismi va 223-moddasi 1-qismi bilan 2013-yildan buyon qidiruvda bo‘lgan. Olib borilgan tezkor qidiruv tadbiri natijasida Dilnoza Abdullayeva Tailandning Bangkok shahrida qo‘lga olinib, O‘zbekiston Respublikasiga doportatsiya qilingan va Buxoro viloyat IIB 3-Tergov hibsxonasiga joylashtirilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!