Rossiya Novosibirskda joylashgan ko‘lni to‘lig‘icha Qozog‘istonga berdi

Rossiya chegaralar demarkatsiyasidan so‘ng Qozog‘istonga Novosibirsk viloyatining Kupinsk tumanida, Pokrovka qishlog‘i yaqinida joylashgan Sladkoye ko‘lini to‘liq berdi. 10-avgustga qadar chegara ko‘l bo‘ylab o‘tgandi, deya ma’lum qildi Meduza.

Ov mavsumida mazkur ko‘lga mahalliy aholi va Novosibirsk hamda Omskdan tez-tez mehmonlar kelib turgan. Biroq, tuman ma’muriyati rahbari Vladimir Shubnikovning ta’kidlashicha, “yarim ko‘l, yarim botqoq bo‘lgan Sladkoyeda baliq yo‘q va u iqtisodiy jihatdan hech qanday qiziqish uyg‘otmaydi”.

Google Maps manbalariga ko‘ra, ko‘l yuzasi maydoni 45 gektardan iborat. Ilgari Rossiya hisobiga uning 14 gektari to‘g‘ri kelardi.

“Daryo”ning YouTube’dagi rasmiy sahifasiga obuna bo‘ling