Barselonadagi teraktda ishtirok etganlikda gumonlangan 4 kishining bari yo‘q qilindi

Barselonadagi teraktda ishtirok etganlikda gumonlangan to‘rt kishining barchasi yo‘q qilindi. Bu haqda El Pais gazetasiga tayanib, “TASS” xabar berdi.

Nashrning ma’lumotlariga ko‘ra, uch nafar gumonlanuvchi — Muso Ukabir, Said A’la va Muhammad Hichamiy Kambrils shahrida payshanbadan jumaga o‘tar kechasi o‘tkazilgan operatsiyada yo‘q qilingan. To‘rtinchi gumonlanuvchi Yunus Abuyoqub ham o‘ldirilgan.

17-avgust kuni Barselonaning Rambla ko‘chasida furgon haydovchisi mashinani olomon ustiga bosib borgan. Terakt bo‘yicha tergov doirasida to‘rt kishi qo‘lga olingan. Hujum oqibatida 14 kishi halok bo‘lgan, 130 dan ortiq kishi jabrlangan.

“Daryo” yangiliklarini Facebook’da kuzatib boring