Xiaomi romsiz planshetofoni dizayni oshkor etildi

Xiaomi romsiz planshetofonining birinchi avlodini ishlab chiqqan dizayner Filip Stark ikkinchi avlod — Mi Mix 2 renderini e’lon qildi. Bu haqda “Korrespondent.net” xabar bermoqda.

Tashqi ko‘rinishidan u Samsung Galaxy S7 ni eslatadi, biroq ayrim farqli jihatlar ham mavjud.

Gadjet taqdimoti yaqin ikki hafta ichida bo‘lib o‘tishi kutilmoqda. Biroq ishlab chiqaruvchi tomonidan aniq sana ma’lum qilinmadi.

Qurilma xususiyatlariga kelganda, u Snapdragon 835 protsessori asosida yaratilishi, kamida 4 gigabayt (6 gigabayt bo‘lishi ham mumkin) tezkor xotira, shuningdek, 6,4 dyuymli displeyga ega bo‘lishi ma’lum.

“Daryo”ning YouTube’dagi rasmiy sahifasiga obuna bo‘ling