OAV: Terrorchilar Barselonada uchta portlash uyushtirishni rejalashtirgandi

Barselona va Kambrilsda hujumlar uyushtirgan terrorchilar dastlab Barselonaning o‘zida, jumladan, Muqaddas oila cherkovida uchta portlash uyushtirishni rejalashtirgan. Bu haqda, politsiya manbalariga tayanib, El Espanol nashri ma’lum qildi, deb xabar beradi “Korrespondent.net”.

Portlashlarni tashkil etish uchun terrorchilar Alkanar shahrida bombalar tayyorlagan. Politsiya bu yerda butan to‘ldirilgan 106 ta ballon topdi.

Muqaddas oila cherkovidan tashqari terakt uchun Rambla ko‘chasi tanlandi (bu manzilda terakt amalga oshirildi). Uchinchi joy bo‘yicha aniq bir qarorga kelinmagan, biroq terrorchilar portda portlash uyushtirishga moyil bo‘lgan.

Biroq bombalar tayyorlangan uydagi portlash terrorchilarni rejalarini o‘zgartirishga majbur qildi.

“Daryo”ning YouTube’dagi rasmiy sahifasiga obuna bo‘ling