AQSh KXDR tufayli Pekinga bosim o‘tkazish uchun Xitoy firmalari aktivlarini muzlatib qo‘yadi

AQSh Bosh prokuratura liniyasi bo‘yicha Xitoy kompaniyalariga nisbatan qator choralarni qabul qilmoqda, bundan maqsad Pekinga bosimni kuchaytirib, uning KXDR raketa-yadro dasturini to‘xtatish bo‘yicha yanada samarali qadamlar qo‘yishiga erishmoqchi, deb yozadi “TASS”.

The Wall Street Journal manbalariga ko‘ra, bunda gap AQSh KXDRdan Amerika dollarida ko‘mir sotib olishda ayblayotgan Dandong Zhicheng va yana to‘rtta Xitoy kompaniyasi haqida bormoqda. May oyida AQSh Bosh prokuraturasi Pxenyanning raketa-yadro dasturini moliyalashtirishga hissa qo‘shayotganlikda ayblab, Xitoyning ushbu firmalari aktivlarini vaqtinchalik xatga olgan edi.

Endi esa Xitoy firmalari pul operatsiyalarini o‘tkazgan Amerika banklari prokuraturaga bu borada qo‘shimcha ma’lumotlar taqdim etdi. Bu esa AQSh federal hukumatiga Xitoy kompaniyalari aktivlarini doimiy asosda muzlatib qo‘yish va Pekinga bilvosita bosim o‘tkazish imkonini beradi.

“Daryo”ning YouTube’dagi rasmiy sahifasiga obuna bo‘ling