Niderlandiya prokuraturasi Rossiyadan MH17 reysi halokati bo‘yicha radarlar ma’lumotlarini oldi

Rossiya Xalqaro tergov guruhiga (JIT) Donetsk yaqinida Malaysia Airlines aviakompaniyasining MH17 reysi bo‘yicha uchgan Boeing samolyotiga halokati yuzasidan radarlar ma’lumotlari va ularni o‘qish uchun yo‘riqnomalarni taqdim etdi. Bu haqda tergovda ishtirok etayotgan Niderlandiya prokuraturasi ma’lum qildi, deya xabar beradi “Vedomosti”.

Oldinroq Rossiya tomoni bergan ma’lumotlarni o‘rganishni imkoniyati bo‘lmagandi, chunki ular Yevropa havo navigatsiyasi xavfsizligi tashkiloti tomonidan ishlab chiqilgan va butun dunyoda qabul qilingan ASTERIX formatida taqdim etilmagandi.

Niderlandiya prokuraturasiga ko‘ra, endi ma’lumotlar aynan shunday formatda taqdim etildi. Ular yaqin orada tarjima qilinadi va sinchiklab o‘rganiladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!