Amerikalik chegarachilar kontrabanda yo‘li bilan olib kelinayotgan yo‘lbars bolasini musodara qildi. Endi uning ahvoli yaxshi

AQSh chegara xizmati Meksikadan kirib kelayotgan mashina yukxonasida bengal yo‘lbarsining bolasi borligini aniqladi, deya xabar bermoqda Meduza.

18 yoshli amerikalik Lui Eudoro Valensiya jonivorni chegara yaqinidagi Tixuana shahrida 300 dollar evaziga sotib olganini ma’lum qildi. Unga nisbatan kontrabanda bilan shug‘ullanish ayblovi e’lon qilindi.

Yo‘lbarscha esa San-Diyego hayvonot bog‘iga topshirildi. Veterinarlarning so‘zlariga ko‘ra, jonivor sog‘lom. Uning tug‘ilganiga taxminan besh-olti hafta bo‘lgan.

Mahalliy ma’muriyat yo‘lbars bolasini qayerga joylashtirish borasida yakuniy bir qarorga kelmagunicha, u San-Diyego hayvonot bog‘ida parvarishlanadi.

“Daryo” yangiliklarini “Odnoklassniki”da kuzatib boring