Eron o‘z og‘ir qiruvchilarini ishlab chiqarishni yo‘lga qo‘ymoqchi

Eron o‘z hududida og‘ir qiruvchilar ishlab chiqarilishini yo‘lga qo‘yishni rejalashtirmoqda. Bu haqda, Tasnim agentligiga asoslanib, “TASS” xabar bermoqda.

“Og‘ir jangovar samolyotlar yaratilishi idora rejalariga kiradi”, — ma’lum qildi mamlakat mudofaa vaziri, brigada generali Amir Xotamiy.

“Bunday qiruvchini ishlab chiqarishga tayyorgarlik ishlari tugallandi, dastlabki tadqiqotlar bitdi”, — qo‘shimcha qildi u.

Xotamiy Eron strategik harbiy-havo kuchlarini rivojlantirishi muhimligini alohida ta’kidlab o‘tdi.

“Daryo” yangiliklarini Facebook’da kuzatib boring