Umar Jabroilov manzilni tark etmaslik sharti bilan qo‘yib yuborildi

Moskva markazidagi Four Season mehmonxonasida to‘pponchadan o‘q uzgani uchun qo‘lga olingan biznesmen va sobiq senator Umar Jabroilov manzilni tark etmaslik sharti bilan qo‘yib yuborildi. Bu haqda Rossiya IIV Moskva shahar bosh boshqarmasi matbuot xizmati ma’lum qildi deya xabar beradi “TASS”.

“29-avgust kuni shahar markazidagi mehmonxonada to‘pponchadan yuqoriga qarata o‘q uzgan erkakka ‘Bezorilik’ moddasi bo‘yicha qo‘zg‘algan jinoiy ish doirasida manzilni tark etmaslik haqida ogohlantirish chorasi qo‘llandi”, — deyiladi matbuot xizmati xabarida.

Jabroilov Moskva politsiyaning “Kitay-gorod” bo‘limi binosini tark etgani bildirilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!