Yaponiya TIV rahbari Rossiyani KXDRga neft eksport qilishni to‘xtatishga chaqirdi

Yaponiya tashqi ishlar vaziri Taro Kono Rossiya va Xitoyni Pxenyanga qarshi sanksiyaga rozilik bildirishga, xususan, KXDRga neft eksport qilishni to‘xtatishga chaqirdi, Bu haqda “Gazeta.ru” xabar berdi.

“Bu — variantlarning so‘nggisi. Neft nafaqat raketalar uchiirish uchun, balki KXDR aholisining hayot kechirishi uchun ham zarur. Neft Xitoy va Rossiyadan keladi. Bu ikki mamlakat sanksiyalarga rozi bo‘lishi kerak”, — dedi Kono.

Shuningdek, vazir xorijda ko‘plab Shimoliy koreyalik ishchilar ishlashini va kelajakda ularning sonini kamaytirish masalasi ko‘rib chiqilishi mumkinligini qo‘shimcha qilgan.

Avvalroq KXDR vodorod bombasini yaratganini va uni muvaffaqiyatli sinovdan o‘tkazganini ma’lum qilgan edi.

“Daryo” yangiliklarini “Odnoklassniki”da kuzatib boring