Van Damm va Yemelyanenko Toshkentga kelmaydi. Ularning o‘rniga Stiven Sigal tashrifi kutilmoqda

Toshkentdagi “Bunyodkor” stadionida 9-sentabr kuni tashkil etiladigan miks-silat bo‘yicha Asian Fight—2017 xalqaro turnirining mashhur mehmonlari ro‘yxati o‘zgardi.

Musobaqa tashkilotchilarining “Daryo”ga ma’lum qilishicha, avvalroq kelishi aytilgan Jan Klod van Damm va Fyodor Yemelyanenko Toshkentga kelmaydi. Ularning o‘rniga Gollivud aktyori, jang san’ati ustasi Stiven Sigal kelishi kutilmoqda.

Avvalroq katta shov-shuvlarga sabab bo‘lgan musobaqa chiptalari sotuvga chiqarilgani, chiptalar sektoriga qarab 50 ming, 70 ming, 100 ming, 150 ming va 300 ming so‘mdan sotilayotgani haqida xabar berilgan edi.

“Daryo” yangiliklarini Facebook’da kuzatib boring