OAV: KXDR yadro quroli yaratilishida Eron ko‘mak bergan

Britaniya rasmiylari Shimoliy Koreya yadro dasturining tezkorlik bilan rivojlanishi Eron tomonidan maxfiy qo‘llab-quvvatlash bilan bog‘liq deb hisoblamoqda. Bu haqda, Telegraph manbalariga tayanib, “Gazeta.ru” xabar bermoqda.

Hozirda Britaniya TIV Pxenyan yadro jangovar kallaklarini ishlab chiqishida “amaldagi va sobiq yadroviy davlatlar” KXDR yetakchisi Kim Chen Inga yordam berganligini o‘rganib chiqmoqda. Britaniya hukumatidagi manbalar Shimoliy Koreya olimlari bu borada mustaqil ravishda taraqqiyotni ta’minlashiga shubha bildirdi.

“Shimoliy Koreya olimlari chindan ham nimanidir uddalay oladi, biroq ular bir o‘zi ishlamagani ham ko‘rinib turibdi”, — dedi o‘zini oshkor etishni istamagan Britaniya vaziri.

KXDRga yadro dasturini rivojlantirishga yordam berishi mumkin bo‘lgan davlatlar ro‘yxatida Eron yetakchilik qilmoqda. Undan Rossiya ham o‘rin olgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!