14—16-sentabr kunlari O‘zbekistonda “Bolalar kitobi” III Respublika festivali o‘tkaziladi

14—16-sentabr kunlari Toshkentdagi G‘afur G‘ulom nomidagi madaniyat va istirohat bog‘ida O‘zbekistonda “Bolalar kitobi” III Respublika festivali bo‘lib o‘tadi.

Festival nafaqat poytaxtda, balki bir vaqtning o‘zida Qoraqalpog‘iston Respublikasi va viloyatlar markazlarida ham o‘tkaziladi.

Bayram kunlarida ishtirokchi nashriyotlar tomonidan so‘nggi yillarda chop etilgan 500 dan ziyod nomdagi yangi kitoblarning taqdimotlari, O‘zbekiston xalq shoirlari va yozuvchilari, Zulfiya nomidagi davlat mukofoti sovrindorlari, taniqli va yosh ijodkorlar bilan ijodiy uchrashuvlar, mushoiralar, qolaversa noshir va matbaachilar bilan muloqotlar bo‘lib o‘tadi.

Festival bolalar va o‘smirlar adabiyotini rivojlantirish, kelajak avlod ma’naviyatini yuksaltirish hamda bolalar uchun mo‘ljallangan adabiyotlar salmog‘ini ko‘paytirish maqsadida o‘tkazilmoqda.

“Daryo” yangiliklarini Facebook’da kuzatib boring