O‘zbekiston tasviriy san’at galereyasida ekologiya mavzusidagi fotosuratlar tanlovi g‘oliblari aniqlandi (foto)

O‘zbekiston tasviriy san’at galereyasida ekologiya mavzusiga bag‘ishlangan xalqaro fotosuratlar tanlovining yakuniy natijalari e’lon qilindi.

Tanlov 60 davlat vakillaridan iborat ishtirokchilarni jamladi. Unda ishtirok etish uchun 258 ta ariza qabul qilindi.

Xalqaro fotosuratlar tanlovi “Ozon qatlami va men” va “Iqlimning o‘zgarishi—mening nigohimda” kabi nominatsiyalar bo‘yicha o‘tkazildi.

Mazkur tanlov g‘oliblari 16-sentabr Ozon qatlamini muhofaza qilish Xalqaro kuni arafasida aniqlandi.

“Ozon qatlami va men” yo‘nalishida birinchi o‘rinni Armaniston vakili Lyusine Torosyan egalladi.

“Iqlim o‘zgarishi—mening nigohimda” yo‘nalishida esa bangladeshlik Moniruzzaman Sazal g‘olib deb topildi.

“Daryo” yangiliklarini “Odnoklassniki”da kuzatib boring