Moody’s: Arab davlatlari bilan ikki oylik ixtilof Qatarga 40 mlrd dollarga tushdi

Oxirgi ikki oy ichida arab davlatlari tomonidan iskanjaga olingan Qatar o‘z iqtisodiyotini qo‘llab-quvvatlash uchun 40 milliard dollar sarfladi. Bu haqda Moody’s xalqaro reyting agentligi ma’lum qildi, deb xabar beradi “TASS”.

Ikki oydan beri Saudiya Arabistoni, Bahrayn, Misr va BAA Qatarni diplomatik izolyatsiya holatida qoldirmoqda. Ularga yana ko‘plab arab davlatlari qo‘shildi. Ular Qatardan bir qancha talablarni bajarishni so‘ramoqda. Faqat shu shart bilan diplomatik izolyatsiyaga barham berilishi mumkin.

“Doxa ixtilofning dastlabki ikki oyi ichida 38,5 milliard dollar mablag‘ni o‘z iqtisodiyotini qo‘llab-quvvatlashga yo‘naltirdi”, — deyiladi xabarnomada.

Bu summa mamlakat YaIMning 23 foizini tashkil etadi.

“Daryo”ning YouTube’dagi rasmiy sahifasiga obuna bo‘ling