Qoraqalpog‘istonlik olim birdaniga ikkita ixtironi amalga oshirdi

O‘zbekiston Fanlar akademiyasi Qoraqalpog‘iston bo‘limi tabiiy fanlar birlashgan instituti Geologiya laboratoriyasi ilmiy xodimlari tomonidan ixtiro qilingan ilmiy yangiliklar keng jamoatchilikning e’tiborini tortmoqda, deb xabar beradi “KRuz.uz”.

Mazkur laboratoriya rahbari, texnika fanlari nomzodi Izzat Ayimbetov bir nechta ixtirolar muallifi sanaladi.

Binolarni yer osti tuzli suvlardan ishonchli himoyalash uchun O‘zRFA Qoraqalpog‘iston bo‘limida bir qator sinov-tajiribalar o‘tkazildi.

Xususan, polietilen plyonka chiqindilarini binolarning asoslarini izolyatsiyalashda foydalanish texnologiyasi ishlab chiqildi.

Polietilen chiqindilari bilan izolyatsiyalash binolarning umrini uzaytiradi, shu bilan birga atrofning ifloslanishiga yo‘l qo‘yilmaydi. Bundan tashqari bu texnologiya izolyatsiya materiali bo‘lgan qora yog‘ni tejaydi.

Laboratoriyada ishlab chiqilgan ikkinchi ilmiy taklif – bu kam qavatli binolarning tuzli tuproqlarda qurilishiga mo‘ljallangan yangi fundament blogining konstruksiyasi hisoblanadi. Bu ilmiy loyihada ichi kavak fundament blogini ishlab chiqish taklif etilgan.

Fundamentlardagi kavaklik tuzga chidamli qum bilan to‘ldiriladi. Fundament blogini imorat maydonlarini to‘sish uchun mo‘ljallangan g‘isht devorlari ostiga poydevor sifatida ishlatish mumkin. Bu fundament blogini tayyorlashda 30—40 foiz beton aralashmasi tejaladi.

“Daryo” yangiliklarini “Odnoklassniki”da kuzatib boring