Tverlik mergan umrbod qamoq jazosini 25 yil bilan almashtirishni so‘radi

Rossiyalik jinoyatchi, “Tverlik mergan” laqabini olgan Sergey Yegorov sud qarori ustidan apellyatsiya berib, umrbod qamoq jazosini 25 yillik hibsga almashtirishni so‘radi. Bu haqda “TASS” xabar bermoqda.

Rossiya qonunchiligiga ko‘ra, real maksimal qamoq muxlati 25 yilni tashkil etadi. Sergey Yegorovning advokati Timofey Shcherbakov shu holatdan kelib chiqmoqda.

To‘qqiz kishining hayotiga zomin bo‘lgan Yegorov Tver viloyat sudi tomonidan 12-sentabr kuni umrbod qamoq jazosiga hukm qilingan edi. Bundan oldin u o‘z aybini tan olgan va o‘lim jazosiga roziligini bildirgan edi. Ammo uning iqrori sudya qarorini yumshatmadi.

“Daryo”ning YouTube’dagi rasmiy sahifasiga obuna bo‘ling