18 yoshli Suriya fuqarosiga Londondagi teraktlarga aloqadorlik yuzasidan ayblov ilgari surildi

Buyuk Britaniya sudi 18 yoshli Suriya fuqarosi Ahmad Hassanga nisbatan London metropolitenida uyushtirilgan teraktga aloqadorlik aybini ilgari surdi. Bu haqda, The Guardian nashriga asoslanib, “Interfaks” xabar bermoqda.

Skotlend-Yard bayonotiga ko‘ra, o‘smir metro yo‘lovchilarini o‘ldirishda, shuningdek, “Parsons-grin” bekatida portlovchi uskunani harakatga keltirishda ayblanmoqda.

Politsiya Hassanni 16-sentabr kuni Duvrda ushlagan edi.

Politsiya tergov doirasida jami olti erkakni ushladi. Hassandan tashqari, 48, 30, 25, 21 va 17 yoshli gumondorlar hibsda saqlanmoqda.

“Daryo” yangiliklarini “Odnoklassniki”da kuzatib boring