Boeing qanotidan uzilib tushgan qoplama bo‘lagi Yaponiyada avtomobil tomini shikastladi

Yaponiyaning Osaka shahrida Boeing-777 yo‘lovchi samolyoti qanotidan uzilib tushgan qoplama bo‘lagi avtomobil ustiga tushdi. Bu haqda “Gazeta.ru” xabar bermoqda.

KLM aviakompaniyasi reysi bilan bog‘liq hodisa 23-sentabr, shanba kuni havo kemasining Kansay xalqaro aeroportidan parvozidan so‘ng ko‘p o‘tmay sodir bo‘ldi. 4 kilogrammdan ortiq vaznga ega bo‘lak 2000 metr balandlikdan qulab tushdi.

Bortida 300 nafardan ortiq yo‘lovchi bo‘lgan Boeing-777 o‘sha kunning o‘zida Amsterdam aeroportida eson-omon qo‘ndi.

Qoplama bo‘lagi avtomobil tomini shikastladi va orqa oynani sindirdi. Buning oqibatida hech kim jabrlanmadi. Aviakompaniya hodisa tafsilotlarini o‘rganishga kirishdi.

“Daryo”ning YouTube’dagi rasmiy sahifasiga obuna bo‘ling