Yamaykaga yo‘l olgan Britaniya yo‘lovchi samolyoti yashin tufayli ortiga qaytishga majbur bo‘ldi

Londonning Gatvik aeroportidan parvoz qilgan Virgin Atlantic aviakompaniyasi (Buyuk Britaniya) laynerini yashin urdi. Bu haqda Sutton Guardian xabar bermoqda. 

Hodisa 22-mart, chorshanba kuni ro‘y berdi. Samolyot Yamaykadagi Montego-Bey shahriga yo‘l olgandi. 

Havo kemasi kapitani Gatvik aeroportiga qaytish haqida qaror qabul qildi. Layner eson-omon qo‘ndi, hodisa tufayli hech kim jabrlanmadi. Yo‘lovchilar boshqa samolyot yordamida manziliga yetkazildi. “Daryo”ning Telegram’dagi rasmiy kanali — @toshqindaryo’ga a’zo bo‘ling!