Kolumbiyada maxsus operatsiya davomida 1,5 tonna kokain musodara qilindi

Kolumbiyada Tinch okeani qirg‘oqlarida o‘tkazilgan maxsus operatsiya davomida 1.5 tonnaga yaqin kokain musodara qilindi. Bu haqda “TASS” xabar bermoqda.

Harbiy dengizchilar Narino departamentining Tumako munitsipiyasi qirg‘oqlari yaqinida tezyurar katerni tekshiruv uchun to‘xtatdi va unda 71 ta kokain to‘la qopni aniqladi.

Kater bortida bo‘lgan 4 kishi — ikki kolumbiyalik, Meksika va Ekvatorial Gvineya fuqarosi qo‘lga olindi va huquq-tartibot idoralariga topshirildi.

“Daryo”ning YouTube’dagi rasmiy sahifasiga obuna bo‘ling