Shimoliy Koreyaning foydali qazilmalar zaxirasi 2,8 trln dollar baholandi

KXDR qiymati 2,79 trillion dollar baholanayotgan o‘zlashtirilmagan foydali qazilmalarga ega. Bu haqda Janubiy Koreyaning Korea Resources kompaniyasi hisobotida ma’lum qilindi, deya xabar beradi “TASS”.

Kompaniyaga ko‘ra, bu Janubiy Koreyaga nisbatan 14 marotaba ko‘p.

Mineral zaxiralarni qazib olish bilan 38 kompaniya band, ulardan 33 tasi Xitoyga tegishli. Shuningdek, qazilmalarni o‘zlashtirish bo‘yicha shartnomalar Yaponiya va Fransiyaning 2 tadan hamda  bir Shveysariya firmasi bilan tuzilgan.

Janubiy Koreya korporatsiyalari bunday loyihalarda 2010-yildan, tegishli taqiq joriy etilganidan beri ishtirok etmaydi. Ular o‘z vaqtida KXDR qazib olish sanoatiga 42 million dollar sarmoya kiritgan edi.

“Daryo” yangiliklarini “Odnoklassniki”da kuzatib boring