Og‘ir atletika bo‘yicha Jahon Chempionati KXDRdan olib qo‘yilib, Toshkentga taqdim etildi

2018-yil KXDR poytaxti Pxenyanda o‘tishi rejalashtirilgan og‘ir atletika bo‘yicha yoshlar o‘rtasidagi Jahon Chempionati Toshkentga ko‘chirildi, deb yozdi “Gazeta.ru”. Nashr bunda “R-Sport” ma’lumotlariga asoslangan.

Xalqaro og‘ir atletika federatsiyasining Ruminiya poyxati Buxarestda bo‘lib o‘tgan ijroqo‘mi yig‘ilishida shunday qarorga kelingan. Buning aniq sabablari esa oshkor etilmagan.

“Anhor.uz” ma’lumotiga ko‘ra, ikki yil muqaddam KXDR Jahon Chempionati mezbonligi uchun kurashda g‘olib chiqqan. Bu borada Pxenyanga Belarusning Minsk, Isroilning Eylat, AQShning Anaxaym shaharlari va O‘zbekiston poytaxti Toshkent raqobat hosil qilgandi.

“Daryo” yangiliklarini “Odnoklassniki”da kuzatib boring