FVV tizimida bir qator tayinlovlar yuz berdi

O‘zbekiston Respublikasi Favqulodda vaziyatlar vaziri bir qator harbiy xizmatchilarni lavozimlarga tayinlash to‘g‘risidagi buyruqni imzoladi, deb xabar berdi vazirlikning matbuot xizmati.

Podpolkovnik Xurshid Sotiyev Toshkent shahar Favqulodda vaziyatlar boshqarmasi boshlig‘i lavozimiga tayinlandi. Bunga qadar Xurshid Sotiyev Navoiy viloyati Favqulodda vaziyatlar boshqarmasi boshlig‘i lavozimida faoliyat olib borgan.

Podpolkovnik O‘lmas Meyliyev Samarqand viloyati Favqulodda vaziyatlar boshqarmasi boshlig‘i lavozimiga tayinlandi. Bunga qadar O‘lmas Meyliyev Jizzax viloyati Favqulodda vaziyatlar boshqarmasi boshlig‘i lavozimida faoliyat olib borgan.

Podpolkovnik Abror Jamolov Jizzax viloyati Favqulodda vaziyatlar boshqarmasi boshlig‘i lavozimiga tayinlandi. Bunga qadar Abror Jamolov FVV markaziy apparat Tezkor boshqarmasi bo‘limi boshlig‘i lavozimida faoliyat olib borgan.

“Daryo” yangiliklarini “Odnoklassniki”da kuzatib boring