Dow Jones adashib, Google va Apple kompaniyalari qo‘shilishi haqida xabar berdi

Dow Jones agentligining yangiliklar tasmasida 10-oktabr kuni Google va Apple kompaniyalarining qo‘shilishi haqida haqiqatga to‘g‘ri kelmaydigan xabarlar paydo bo‘ldi, deb yozadi Meduza.

Xabarlardan birida aytilishicha, Google Apple’ni 9 milliard dollarga sotib olmoqchi, oldi-sotdi haqida esa Stiv Jobsning vasiyatnomasida qayd etilgan. “Albatta, Google Apple’ning ajoyib bosh qarorgohiga ko‘chib boradi”, — deyiladi xabarda.

Xabarlar chop etilgach, Apple aksiyalari narxi taxminan 155 dollardan 158 dollargacha o‘sdi, ammo keyinroq yana tushdi.

Bu xabarlarning barchasi o‘chirib tashlandi. Dow Jones’dagilar xabarlar texnik xatolik tufayli chiqib ketganini ma’lum qilib, uzr so‘rashdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!