Iroq kuchlari Kirkuk yaqinidagi harbiy bazani jangsiz nazorati ostiga oldi

Iroq hukumat kuchlari Kirkuk viloyatida joylashgan K1 harbiy bazasini hech qanday qarshiliksiz nazorati ostiga oldi. Bu haqda 16-oktabr, dushanba kuni Sky News Arabia telekanali xabar qildi, deb yozadi “TASS”.

Iroq televideniyesining ma’lum qilishicha, hukumat kuchlari Kirkuk viloyatining katta qismini nazorat qiladi. Shuningdek, shu paytga qadar Iroq qo‘shinlari va kurd harbiylashgan otryadlari o‘rtasida hech qanday qurolli to‘qnashuv qayd etilmaganligi ta’kidlanadi.

14-oktabr, shanba kuni Iroq bosh vaziri Haydar al-Obodiy Xavfsizlik kengashi hukumat yig‘ilishida nizoli hududlar (Iroq va Iroq Kurdistoni o‘rtasidagi) ustidan nazorat Bag‘doddagi markaziy hokimiyat boshchiligida federal va mahalliy kuchlar hamkorligida amalga oshirilishini ma’lum qildi.

“Daryo”ning YouTube’dagi rasmiy sahifasiga obuna bo‘ling