Putin haqidagi kitoblar muallifiga qarshi sudyaga tuhmat qilish bo‘yicha jinoiy ish qo‘zg‘atildi

Rossiya tergov qo‘mitasi prezident Vladimir Putin haqidagi trilogiya muallifi Oleg Blotskiyga nisbatan jinoiy ish qo‘zg‘atdi, deb yozadi “Vedomosti”.

Moskva shahar sudi matbuot kotibi so‘zlariga ko‘ra, Moskvaning Cheremushkinskiy tuman sudi sudyasi Yelena Ivaxova Rossiya tergov qo‘mitasiga tuhmat haqidagi ariza bilan murojaat qilgan. Ish 5-oktabrda ochilgan. Blotskiy 2010—2013-yillarda uchta fuqarolik ishida qatnashgan. Sud qaroridan norozi bo‘lib, u “Jivoy jurnal” blogidagi sahifasiga sudyaning obro‘si, sharafi va ish reputatsiyasiga ziyon keltiruvchi yolg‘on ma’lumotlarni joylagan.

Agar Blotskiyning aybi isbotlansa, u 2 million rublgacha jarimaga tortilishi yoki 360 soatgacha majburiy ishga hukm qilinishi mumkin. Ishni tekshirish davom etmoqda.

“Daryo” yangiliklarini “Odnoklassniki”da kuzatib boring