Toshkent tumanida firibgar tanishidan olingan mol-qo‘y uchun 21 mln so‘m to‘lashni “unutdi” 

Toshkent viloyati Ichki ishlar boshqarmasiga ko‘ra, joriy yil mart oyida Toshkent tumanida yashovchi D.I. tanishi Sharifni ishontirib, “pullarni kechki payt olib kelaman” deb, undan 5 bosh qoramol va 2 bosh qo‘yni olib ketadi. Bu haqda IIV matbuot xizmati xabar bermoqda.

Biroq, oradan yarim yil o‘tgan bo‘lsa ham, D.I. kelishilgan 21 million so‘mni bermay, Sharifdan qochib yuradi. Toqati toq bo‘lgan Sharif ichki ishlar bo‘limiga ariza bilan murojaat qildi.

Tezkor xodimlar tomonidan D.I. qo‘lga olinib, unga nisbatan Jinoyat kodeksining 168-moddasi bilan jinoyat ishi qo‘zg‘atildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!