Yevroittifoq Ispaniya va Kataloniya o‘rtasidagi ziddiyatga aralashmaydi

Yevropa kengashi prezidenti Donald Tusk Yevroittifoq Madrid va Kataloniya mahalliy hukumati o‘rtasidagi ziddiyatga aralashmasligini ma’lum qildi. Bu haqda “Korrespondent.net” xabar berdi.

Tusk Ispaniya bosh vaziri Mariano Raxoy bilan doimiy aloqada ekanligini va Ispaniyadagi vaziyat uni “xavotirga solayotgani”ni ma’lum qilgan.

“Yevroittifoqqa a’zo davlatlar va instututlar pozitsiyasi aniq: vositachilik va xalqaro tashabbuslar yoki harakatlarga o‘rin yo‘q. Men vaziyat haqidagi keng muzokaralarni kutmayapman”, — deydi Tusk.

1-oktabr kuni Kataloniyada o‘tkazilgan referendumda aksariyat fuqarolar hudud mustaqilligini yoqlab ovoz bergan. Ispaniya hukumati mazkur referendum natijalarini tan olmadi.

“Daryo” yangiliklarini “Odnoklassniki”da kuzatib boring