Turkmanistonda 2022-yili aholi soni va turar joy fondini ro‘yxatga olish ishlari o‘tkaziladi

Turkmanistonda 2022-yilda mamlakat aholisi va turar joy fondini umummilliy ro‘yxatga olish ishlari o‘tkaziladi. Bu haqda “Turkman davlat xabarlari” agentligi ma’lum qildi.

Mazkur jarayon BMT Iqtisodiy va ijtimoiy kengashi tomonidan 2015-yilda qabul qilingan “2020-yilgacha Butunjahon aholi va turar joyni ro‘yxatga olish dasturi” rezolyutsiyasi doirasida tashkil etiladi.

Tadbirni yuksak tashkiliy darajada o‘tkazish uchun davlat tomonidan maxsus komissiya tuzilishi ko‘zda tutilgan.

Umummilliy ro‘yxatga olish natijalari davlatning ijtimoiy-iqtisodiy siyosatini yanada aniqlashtirish uchun zarur. Tadbir davomida to‘plangan ma’lumotlar ijtimoiy-iqtisodiy sohalarda, xususan davlat budjetini rejalashtirishda hisobga olinadi.

“Daryo” yangiliklarini “Odnoklassniki”da kuzatib boring