“Lester” bunday murabbiy bilan mag‘lub bo‘lmaydi. Ko‘rinishi jangchilarni eslatadigan Maykl Epplton fotogalereyasi

Ikki mavsum avval sensatsion ravishda APL chempionligini qo‘lga kiritgan “Lester” o‘tgan hafta boshida Kreyg Shekspirga chiqish eshiklarini ko‘rsatib qo‘ygandi. Shu tariqa jamoani vaqtinchalik uning yordamchisi Maykl Epplton boshqarib turadigan bo‘ldi.

Ingliz matbuoti ayni paytda 41 yoshli mutaxassisning futboldagi karyerasidan ko‘ra ko‘proq, uning tashqi ko‘rinishiga e’tibor qaratgan. U “Lester”ni boshqargan nafaqat Klaudio Ranyeri yoki Kreyg Shekspir bilan solishtirganda, balki APLning istalgan murabbiyini yoniga qo‘yganda ham yaqqol ajralib turadigan tashqi ko‘rinishga ega.

Ko‘rinishi futbol murabbiyidan ko‘ra jangchilarni ko‘proq eslatib yuboradigan Maykl Eppltonning debyuti yomon chiqmadi. Uning boshqaruvidagi debyutda “Lester” Uelsda “Suonsi” mehmoni bo‘lib, 2:1 hisobida zafar quchdi.

“Daryo” yangiliklarini “Odnoklassniki”da kuzatib boring