Trampning Twitter’i 5 daqiqaga g‘oyib bo‘ldi

AQSh prezidenti Donald Trampning Twitter’dagi akkaunti besh daqiqaga o‘chirib qo‘yildi, deb yozadi “Gazeta.ru”.

ABC News kanali saytiga joylangan skrinshotda Trampning Twitter’i manzili va “kechirasiz, bunday sahifa mavjud emas” degan xabar turganini ko‘rish mumkin.

Sahifa bir necha daqiqalar ichida qayta tiklangan bo‘lsa-da, ijtimoiy tarmoqlarda AQSh prezidenti Twitter’ining g‘oyib bo‘lishini masxara qilishga ulgurishdi.

“Agar Trampning Twitter’i ishlamasa, bu u endi prezident emas, deganimi? Aytmoqchimanki, bu o‘z ishining u e’tibor qaratadigan yagona qismi”, — deb yozdi foydalanuvchilardan biri.