Qibrayda nafaqaxo‘r ayolning hovlisiga o‘g‘rilikka tushgan 16 yoshli yigit qo‘lga olindi

Qibray tumanida yashovchi, nafaqaxo‘r Raisa Marinina o‘ziga tegishli bog‘dorchilik-uzumchilik shirkatidagi dala-hovlisiga o‘g‘ri tushgani haqida ariza bilan murojaat qildi, deb xabar berdi Toshkent viloyati IIB matbuot xizmati.

1951-yilda tug‘ilgan ayolning ma’lum qilishicha, o‘g‘ri dala-hovliga ochiq qolgan deraza oynasi orqali kirgan va umumiy miqdori 1 600 000 so‘m bo‘lgan Nokia rusumli uyali aloqa telefoni, tyuner, ayollar qo‘l soati va boshqa anjomlarini o‘g‘irlab ketgan.

Olib borilgan tezkor chora-tadbirlar natijasida ushbu jinoyatni Toshkent shahrida yashovchi, voyaga yetmagan, 2001-yilda tug‘ilgan Rashid Dovurov sodir etganligi aniqlanib, qo‘lga olindi. Ushbu holat yuzasidan O‘zbekiston Respublikasi Jinoyat Kodeksining 169-moddasi 2-qismi (o‘g‘rilik) bilan jinoyat ishi qo‘zg‘atildi. Tergovni IIB olib bormoqda.