Kattaqo‘rg‘on shahri maktablariga ko‘mir yetkazib berilishi prokuratura nazoratiga olindi

Kattaqo‘rg‘on shahridagi 13-umumta’lim maktabiga shahar prokuraturasi aralashuvi bilan 15 tonna ko‘mir briketi yetkazib berildi. Bu haqda, Kattaqo‘rg‘on shahar prokuraturasiga asoslanib, “Zarafshon” gazetasi xabar bermoqda.

Xabar berishlaricha, O‘zbekiston Prezidentining 2017-yil 22-iyundagi qarori hamda viloyat hokimining 2017-yil 24-iyundagi qaroriga muvofiq, shahardagi xalq ta’limi muassasalariga 69 tonna ko‘mir briketi berilishi rejalashtirilgan.

“Shundan shahar prokuraturasi aralashuvi bilan 13-umumta’lim maktabiga 15 tonna ko‘mir briketi yetkazib berildi”, — deyiladi gazeta xabarida.

Qayd etishlaricha, qolgan muassasalarga ham ko‘mir yetkazish prokuratura tomonidan nazoratga olingan.