Rossiyaning Oltoy o‘lkasida ro‘y bergan YTHda Suriyadan qaytgan to‘rt harbiy halok bo‘ldi

Rossiyaning Oltoy o‘lkasida avtobus ikik yengil mashina bilan to‘qnashdi. Bu haqda “Svobodnaya pressa” nashri xabar bermoqda.

YTH oqibatida Suriyadan yaqinda qaytib kelgan to‘rt harbiy xizmatchi halok bo‘ldi.

Avariya 8-noyabr kuni ertalab ro‘y berdi. Toyota haydovchisi boshqaruvni eplay olmay, teksari yo‘lga chiqib ketdi va to‘siqqa, keyin esa avtobus va yana bir yengil avtomobilga urildi.

Toyota haydovchisi va mashinaning barcha yo‘lovchilari voqea joyida halok bo‘ldi. Halok bo‘lganlar 41659-sonli harbiy qism xizmatchilari bo‘lib chiqdi. Ularning uch nafari bir oy oldin, 21 yoshli yana biri esa uch kun muqaddam Suriyadan qaytgan edi.