Davlat departamenti Kuba va Vyetnamda Rossiya bazalarini joylashtirish haqidagi taklifdan ajablanmadi 

AQSh Davlat departamenti Rossiya harbiy bazalarining Kuba va Vyetnamda joylashtirilishi ehtimoli haqidagi chiqishlardan ajablanmadi. Bu haqda uning rasmiy vakili Xezer Nauert ma’lum qildi, deya xabar beradi “Gazeta.ru”.

“Birinchi bor sizdan bu haqda eshityapman. Shunday bo‘lsa ham, bu meni ajablantirmadi”, —dedi Nauert.

Oldinroq Federatsiya kengashi mudofaa qo‘mitasi raisi, harbiy-koinot kuchlari sobiq qo‘mondoni Viktor Bondarev Kuba va Vyetnamda Rossiya harbiy bazalarining joylashtirilishi xavfsizlik manfaatlari uchun xizmat qilishini bildirgandi.