Qozog‘iston va Pokiston 2018-yil uchun hamkorlik rejasini imzoladi

Qozog‘iston mudofaa vazirligi va Pokiston qurolli kuchlari o‘rtasida 2018-yil uchun tadbirlar rejasi imzolandi. Bu haqda Kazakhstan Today xabar bermoqda.

Mudofaa milliy universitetida bo‘lib o‘tgan qo‘shma harbiy komissiyaning to‘rtinchi yig‘ilishi doirasida Qozog‘iston mudofaa vazirining birinchi o‘rinbosari, Bosh shtab boshlig‘i Murat Maykeyevning general-leytenant Malik Zafar Iqbol bilan uchrashuvi bo‘lib o‘tdi.

Yig‘ilishda tomonlar harbiy ta’lim sohasida aloqalar, maxsus bo‘linmalar tayyorgarligi, ikki davlat o‘rtasida harbiy-texnik hamkorlik masalalarini muhokama qildi.