O‘zbekiston davlat organlarining xakerlar hujumiga uchragan saytlari faoliyati qayta tiklandi

20-noyabr kuni O‘zbekistonning ayrim tashkilotlari, shu jumladan, davlat organlari saytlari kiberhujumga uchradi. Axborot xavfsizligi sohasi mutaxassislari ko‘rgan choralar natijasida hujum oqibatlari bartaraf etildi, saytlar faoliyati tiklandi. Bu haqda, axborot texnologiyalari va kommunikatsiyalarini rivojlantirish vazirligiga tayanib, “Gazeta.uz” xabar bermoqda.

UZINFOCOM markazi hamda vazirlikning Axborot xavfsizligi va jamoat tartibini ta’minlashga ko‘maklashish markazi saytlarning oxirgi aktual versiyalarini tiklash bo‘yicha zarur choralarni ko‘rdi.

Kelajakda bunday hujumlarga qarshi turish uchun ularning sabablari va uslublari o‘rganilmoqda.