Atambayev Qirg‘iziston xalqidan barcha umidlarini oqlay olmagani uchun kechirim so‘radi

Qirg‘izistonning sobiq prezidenti Almazbek Atambayev olti yillik boshqaruvi davomida qator rejalashtirilgan loyihalarni amalga oshirishga ulgurmadi. Bu haqda u yangi davlat rahbari Sooronbay Jeenbekovning inauguratsiya marosimidan so‘ng ma’lum qildi, deya xabar beradi “TASS”.

“Mamlakatimiz hayotida ko‘plab ijobiy o‘zgarishlar yuz berdi, biroq o‘ylaganlarimning ko‘pini amalga oshirishga ulgurmadim. Aslini olganda, faqat oxirgi uch yil xotirjam ishlash imkoni bo‘ldi”, — dedi Atambayev.

Sobiq prezident Qirg‘iziston xalqiga minnatdorlik bildirdi va “barcha umidlarini” oqlay olmagani uchun kechirim so‘radi.