Balidagi favqulodda holat rejimi 10-dekabrgacha uzaytirildi

Indoneziya hukumati Bali orolidagi “Agung” vulqoni tufayli e’lon qilingan favqulodda holat rejimini 10-dekabrgacha uzaytirdi, deb xabar beradi “TASS”.

Bali gubernatori Meyd Mangku Pastika yaqin kunlarda jiddiy kul otilishi xavfi saqlanib qolayotganini ma’lum qilgan.

Shu bilan birga Indoneziyaning fuqaro aviatsiyasi ma’muriyati qo‘shni Lombok orolidagi aeroportning yopilishini e’lon qildi.

Reyslar 1-dekabrga qadar to‘xtatilgani aytilmoqda.