Britaniyada Brexit’dan so‘ng muhojirlar soni uchdan bir qismga kamaydi

Buyuk Britaniyada immigratsiya darajasi salkam uchdan bir qismga kamaydi va yil mobaynida 230 ming kishini tashkil etdi. Bu haqda mamlakat IIV statistik hisobotida ma’lum qilindi, deya xabar beradi “RIA Novosti”

2016-yil iyunidan joriy yil iyunigacha bo‘lgan davrda Buyuk Britaniyaga 572 ming kishi keldi, 342 ming kishi esa uni tark etdi.

Hujjatga ko‘ra, Yevroittifoqdan kelayotganlar soni oldingi hisobot davriga nisbatan sezilarli darajada kamaydi. Britaniyaga ish izlab kelayotganlar soni ham keskin pasayib ketdi.