Yangilangan Mazda 6 taqdim etildi (foto)

Los-Anjelesdagi avtosalonda Mazda 6 sedanining yangi avlodi taqdim etildi. Yangi avtomobilning kuzovi va yoritgichlarida o‘zgarishlar qilingan. Bu haqda “Korrespondent.net” xabar bermoqda.

Avtomobilning ichki qismida o‘zgarishlar qilingan. Xususan, salonda markaziy konsol, havoni nazorat qilish bloki va ikkita sensorli ekran o‘rnatilgan.

Mashinaning dvigateli 2,5 litrli bo‘lib, 192 ot kuchga ega. Shuningdek, turbodvigatelli 230 va 253 ot kuchiga ega ko‘rinishlari ham mavjud.

Avtomobilning AQShdagi savdosi 2018-yilda boshlanadi. Uning boshqa bozorlarga chiqarilish vaqti hozircha noma’lum.