O‘zbekiston va Afg‘oniston prezidentlari o‘rtasida kengaytirilgan tarkibda muzokaralar bo‘lib o‘tmoqda

O‘zbekiston Respublikasi Prezidenti Shavkat Mirziyoyev va Afg‘oniston Islom Respublikasi Prezidenti Ashraf G‘ani muzokaralarni ikki mamlakat delegatsiyalari ishtirokida davom ettirdi. Bu haqda O‘zbekiston Prezidentining rasmiy veb-saytida xabar berildi.

Keng ko‘lamli muloqot chog‘ida savdo-iqtisodiyot, transport, tranzit, energetika, kimyo, agrosanoat, ta’lim, madaniyat va boshqa sohalarda hamkorlikni rivojlantirish, o‘zaro manfaatli loyihalarni amalga oshirish masalalari muhokama qilinadi.

Muzokaralar yakunida hukumatlararo va idoralararo darajadagi hujjatlar, ko‘plab tijoriy shartnomalarni imzolash mo‘ljallanmoqda.