MDH mamlakatlari ziyolilari Moskvadagi forumda yig‘iladi

2017-yilning 11—12-dekabr kunlari Moskvada MDHga a’zo davlatlar ijodiy va ilmiy intelligensiyalari XII forumi hamda “Hamdo‘stlik yulduzlari” mukofoti sovrindorlarini taqdirlash marosimi bo‘lib o‘tadi, deb yozadi “Kazinform”.

Forumda qatnashish uchun Rossiya poytaxtiga Armaniston, Ozarbayjon, Belarus, Qozog‘iston, Moldova, Tojikiston, Turkmaniston, O‘zbekiston, Ukraina va Rossiya vakillari keladi.

Forumda markaziy mavzu “MDHda oilaviy qadriyatlar va an’analarni mustahkamlash va qo‘llab-quvvatlashda gumanitar hamkorlikning roli” bo‘ladi.

Forum doirasida MDH mamlakatlarining bir qator ijod va ilm-fan vakillari MDHning davatlararo bosh mukofoti — “Hamdo‘stlik yulduzi” bilan taqdirlanadi.