XVJ kreditlarga ruju qo‘yilishini Xitoy moliyaviy tizimining asosiy muammosi deb atadi

Xalqaro valyuta jamg‘armasi Xitoy moliyaviy tizimining asosiy muammosi yalpi ichki mahsulot o‘sishidan yuqorilab ketgan kreditlashga ruju qo‘yilishi ekanligini bildirdi. Bu haqda EADaily xabar bermoqda.

Jamg‘arma ekspertlariga ko‘ra, buning qatoriga yana banklarga siyosiy bosim, haddan tashqari ko‘p foydalaniladigan davlat kafolatlari, yashirin banking qo‘shiladi. Bularning barchasi nazorat qilish o‘ta qiyin bo‘lgan va jadal rivojlanayotgan moliyaviy tizimni yaratdi.

“Iqtisodiy o‘sish va bandlikni qo‘llab-quvvatlashga urg‘u berilishi kreditlash oshib borishiga olib keldi. Bu holat bo‘lajak moliyaviy muammolar darakchisi hisoblanadi. Chunki qancha ko‘p kredit olingani sayin kreditlash standartlari pastlab boraveradi”, — deyiladi XVJ xabarida.