Sardor Rashidov jamoasi Madridning “Real” klubi bilan o‘ynashni istasa, bugun OChL g‘olibi taslim etilishi kerak

Bugun — 9-dekabr kuni klublar o‘rtasidagi Jahon Chempionatining chorak final bellashuvlari bo‘lib o‘tadi.

Birinchi juftlikda CONCACAF va Afrika yetakchilari o‘zaro hisob-kitob qiladi. Bellashuvni Ravshan Ermatov yetakchiligidagi o‘zbekistonlik hakamlar brigadasi boshqarib boradi.

Mazkur turnir translyatsiyasi huquqini xarid qilgan UzReport telekanali 18:00 da start oladigan bellashuvni jonli namoyish etishni rejalashtirgan. Telekanal avvalroq nimchorak finaldan o‘rin olgan “Al-Jazira” — “Oklend Siti” o‘yinini ko‘rsatgandi.

Toshkent vaqti bilan 21:30 da maydonda BAA hamda Osiyo Chempionlar Ligasi g‘olibi hisoblangan Yaponiya klubi chiqib keladi. Ularning o‘yini davom etayotgan bir vaqtda, mazkur turnir g‘olibligi uchun asosiy da’vogar bo‘lgan “Real” La Liganing 15-turi doirasida “Sevilya” bilan bahs olib borayotgan bo‘ladi. UzReport telekanalida mana shu uchrashuv to‘g‘ridan-to‘g‘ri ko‘rsatiladi.

Sardor Rashidov jamoasining “Oklend Siti”ga qarshi birinchi o‘yinida maydonga tushirilmagandi. U va jamoadoshlari yarim finalda Madridning “Real” klubi bilan to‘qnash kelishni istasa, bugun OChL g‘olibi taslim etilishi shart.

Jahon Chempionati

Chorak final o‘yinlari

9-dekabr, shanba

“Pachuka” (Meksika) — “Vidad Kasablanka” (Marokash) 18:00 UzReport

“Al-Jazira” (BAA) — “Urava Red” (Yaponiya) 21:30